.png "Menu")
जस्टिन बिवरसित (ऐति)हाँसिक च्याट !
पहिले–पहिले
फेसबुकमा विदेशीसित टुटेफुटेको अंग्रेजीमा खुब च्याट हुन्थ्यो ! नयाँ चीजलाई चलाएर
ढुटो पार्ने कसैको बानी हुन्छ, त्यस्तै
भयो सायद
! कतिसम्म भने एउटी विदेशी केटीसित यति च्याट भएछ कि उसले आफ्नो ब्वाईफ्रेण्डलाई
समेत भुलिछ, उसका
फोटाहरु, स्टाट्समा पनि मेरै
कमेन्ट्स देख्दो रहेछ । त्यसपछि ब्वाईफ्रेण्डले मलाई म्यासेज लेख्यो, ‘फक यू ! आइल् किल यू !’ म त डराएर त्यो त्यसकेटीलाई डिलिट
गरिदिए । त्यसपछि अरु केही सम्झना छैन ।
क्यालिफोर्नियाकी लिलियनसित बेहोशीमा च्याट गरियो । पहिलो
रिक्वेस्ट कसले पठायो थाहा भएन । पहिलो च्याटमै त्यसले मलाई जस्टिनसित भेटाइदिई !
त्यसपछिको केही च्याट पश्चात मलाई डिलिट गरेर लापता भएकी ऊ कहिल्यै भेट भईन । सबै
च्याटलाई मिलाएर एउटा ‘कथा’
बनाउँछु भनेर सोचेको थिएँ, भुसुक्कै बिर्सेछु । आज पुराना फाइलहरु
खोल्दा थाहा भयो त्यो ऐतिहासिक च्याटलाई सेभ गरेको रहेछु, अहिले त फेद न टुप्पाको भयो !
#लिलीयन :
हाई, तिमी को हौ ?
म : डियर म कोही होइन, एक नेपाली हुँ ।
#लिलियन : ठिक छ,
त्यसो भने मलाई डियर नभन !
म : हुन्छ । तिम्रै इच्छा !
#लिलियन : मैले आज जस्टिन बिवरलाई भेटेँ । मलाई केही मतलब छैन
अब ! हिहिहि ! मैले उसलाई भेटेँ ।
म : गजब भएछ !
#लिलियन : मैले एउटा प्रतियोगिता जितेर जस्टिनलाई भेटेको हुँ ।
ऊ अहिले मेरो बाथरुममा छ ।
म : कस्तो प्रतियोगिता ? मलाई पनि जस्टिनको गीत मनपर्छ ।
#लिलियन : मैले दुई हप्तामा ५० चोटी प्रतियोगितामा भाग लिएको
थिएँ । यसको मूल्य ९९ सेन्ट मात्र थियो । ऊ अहिले बाथरुपमा छ । ऊ निस्कियो ! म
ढाँटिरहेको छैन !
म : म विश्वास गर्दिन ! जस्टिन जस्तो सेलिब्रेटी तिमीसित कसरी
हुन सक्छ ?
#लिलियन : जस्टिन बिवर अमेरिकामा ठूलो हुँदैन ।
म : मलाई नढाँट । म ढटुवा मनपराउँदिन !
#लिलियन : ढाँटलाई म घृणा गर्छु त्यो बेमतलबी र बेतुकको हुन्छ !
जस्टिन र मैले सँगै खिचेकोका फोटाहरु पोस्ट गर्छु अब ।
म : ल ठिक छ ! त्यसो भए म हेरुला !
#लिलियन : ओके । ऊसित
कुरा गर्छौं ? मैले
उसलाई तिमीसित गफ गर्न दबाब दिएकी छु ।
म : गरुम् न त !
#लिलियन : उसले 'हुन्छ' भन्यो !
म : ओके
#जस्टिन : तिमी मेरा फ्यान हौ ?
म : हो !
#जस्टिन : लिलियले भनेकी तिमी नेपालबाट हौ ?
म : हो । म तिम्रा फ्यान हुँ । यहाँ तिम्रा फ्यानहरु धेरै छन्
। भगवान्ले तिम्रो रक्षा गरुन् ।
#जस्टिन : वाह ! कूल !
म : तिमीले संगीत जगत्मा सफलता पाउने छौं ।
#जस्टिन : म कति प्रचलित छु त नेपालमा ?
म : Eenie
meenie miney mo
Catch a bad chick by her toe
If she holla' (if, if, if she holla) let her go.
Catch a bad chick by her toe
If she holla' (if, if, if she holla) let her go.
म
बजाइरहेको छु ।
#जस्टिन : मलाई मनपर्ने गीतमध्ये यो पर्छ । सिनले लेखेको यो गीत
रेकर्ड गर्दा मजा भएको थियो ।
म : हो त गीत राम्रो छ । जस्टिन तिमी कता बस्छौं ?
#जस्टिन : तिमीसित कुरा गरेर खुसी लाग्यो । अमेरिकामा ठूलो
छुइनँ । म केही भन्न सक्दिनँ ।
म : तिम्रा परिवारका कति सदस्य छन् ?
#जस्टिन : एउटा सानी बहिनी मात्र छे ।
म : किन नभन्ने ? म तिम्रो फ्यान जो हुँ, मसित अधिकार छ !
#जस्टिन : म अलान्टामा
बस्छु मात्र भन्न सक्छु ।
म : ओह ! तिम्लाई फ्यानहरु ह्याण्डल गर्न गाह्रो लाग्दैन ?
#जस्टिन : म आफ्ना फ्यानहरुलाई माया गर्छु ।
म : धन्यवाद । अनि तिम्रा भविष्यका योजनाहरु के छन् ?
#जस्टिन : फ्यानहरुका लागि सरप्राइज हुनेछ ।
म : ए ! तिम्रो गर्लफ्रेण्ड छ ? नेपालमा धेरै केटीहरुले तिम्लाई
मनपराउँछन् ।
#जस्टिन : राम्री र हट केटीहरु त कति छन् कति ! तर म आफ्नो
प्राइभेट कुरा कसैलाई भन्दिनँ ।
म : ओके ! तिम्रो अब आउने गीत कस्तो छ ?
#जस्टिन : म रिहन्ना र बियोन्सेसित गाउँदैछु । र अहिले यो फ्यानहरुका लागि
सरप्राइज छ ।
विदा ! भेट्दै गरौं ।
[ लिलियन इज अफलाइन ]
Katha ramro lagyo rajesh sir.
ReplyDelete