सगुना शाह डिल्लीबजार कन्या क्याम्पस काठमाडौंमा स्नातक तहलाई अङ्ग्रेजी साहित्य र सिल्भर माउन्टेन स्कुल अफ् होटल म्यानेजमेन्टमा स्नातक तहलाई फ्रेन्च भाषा र व्यापार सञ्चार अध्यापन गर्नुहुन्छ । उहाँ पठन संस्कृतिको वृद्धि–विकास लागि फेसबुकमा चर्चित बुकाहोलिक्स पेजको सञ्चालक हुनुहुन्छ । विभिन्न साहित्यिक सङ्गोष्ठीहरुमा समीक्षक तथा सहजकर्ताको रुपमा पनि भूमिका निर्वाह गर्दै आउनुभएकी शाहसँग भएको गफ:

अहिले के पढ्दै हुनुहुन्छ ?

• नोबेल पुरस्कार विजेता John Steinbeck को Of Mice and Men र महेशविक्रमको ज्याक्सन हाइट पढ्दैछु । प्रायः एउटा अङ्ग्रेजी र नेपाली किताब साथसाथै पढ्ने बानी छ ।

• पढ्ने किताबको लामै लिस्ट हुन्छ र हाल पढिरहेको किताब सकेपछि कस्तो मुड हुन्छ त्यसैमा भरपर्छ । तर, अहिले भन्नुपर्दा Vikram Seth को Two Lives अथवा Alex Hailey को Roots पढ्छु होला । नेपालीमा टङ्क चौलागाईको काठमाण्डू गीत पढ्ने विचार छ ।

• गोविन्द वर्तमानको हरियो साइकल, नयनराज पाण्डेको लू, हरिवंश आचार्यको चिना हराएको मान्छे, शारदा शर्माको ताप, उमा सुवेदीको तोदा, अजित बरालको फस्र्ट लभ, सुविन भट्टराईको समर लभ र विद्या सापकोटाको नीलो तृष्णालगायतका छन् ।

• सानो छँदादेखि नै पत्रिका, बालकथा, कमिक्स पढ्ने बानी थियो । तर, धेरै किताब पढ्ने अठोट चाहिँ स्नातकोत्तर गरिसकेपछि लिएँ । सन् २००७ देखि नियमित रुपमा समर्पित भएर पढ्न थालेँ ।

• सात वटाकै सूचीमा राख्न कठिन छ । त्यही पनि अहिले सम्झेर भन्नुपर्दा हर्मन हेस्सेको Siddhartha, अजर नफिसीको Reading Lolita in Tehran, जेफ्रे युजेनाइड्सको Middlesex, जिन सासनको Growing Up in Laden, गुरुचरण दासको The Difficulty of Being Good, मिच आल्बमको Tuesdays with Morrie, पाउल थेरक्सको Ghost Train to Eastern Star, पीजी तेन्जिङको Don't Ask the Old Bloke for Directions ।

तपाईको मनपर्ने विधा ?

• मलाई नन–फिक्सन मनपर्छ । खासगरी संस्मरणात्मक पुस्तक बढी पढ्छु । पछिल्लो समयमा सबैभन्दा गाह्रो लाग्ने विधा कवितामा रुचि बढ्दैछ ।

• धेरैजसो झम्सिखेल ललितपुरको बुकवम्र्सबाट लिन्छु । किनकि किताब लिन भनेरै त्यहाँ पुगिरहनुपर्दैन, घरमै आइपुग्ने भएकाले सजिलो छ । पिलग्रिम्स बुक्स र मण्डला बुक प्वाइन्ट पनि बाटो पर्दा निस्कन्छु । खाली हात नफर्कने ठाउँ चाहिँ विदेश भ्रमणमा रहँदा विमानस्थलका पुस्तक पसलबाट किन्छु ।

• निश्चित यति नै भन्ने छैन । पुस्तक पसलमा छिरिसकेपछि साथमा भएको रकमले भ्याएसम्म किन्छु । बुकवम्र्सबाट उधारो पनि पाउँछु । तर, किताब किनेरै पढ्दा मजा लाग्छ ।

• पढ्नको लागि विशेष ठाउँ र वातावरण चाहिँदैन । जस्तो ठाउँमा पनि पढ्न सक्छु । प्रायजसो आफ्नो कोठाको एकान्तमा पढ्छु । पढिरहेको बखत घरका कसैले पनि डिस्टर्ब गर्दैनन् । बाहिर निस्कदा ब्यागमा किताब बोक्ने बानी भएकाले कतै समय समय पाएमा अथवा हस्पिटल, सरकारी कार्यालयमा पढ्छु । किताब पढ्दा समयको कटेको पत्तो हुँदैन ।

• हर्मन हेस्सेको Siddhartha, स्पेन्सर जोन्सनको Who Moved my Cheese, रविन शर्माको Who will Cry When you die, मिच आल्बमको Tuesday with Morie, खालेद होसेनीका सबै पुस्तकहरू र भारतीय लेखकमा रोहिन्तन मिस्त्रीका पुस्तकहरू र भर्खर पढ्ने बानी बसाल्न चाहनेका लागि चेतन भगतका पुस्तकहरू युवावयलाई रोचक लाग्न सक्छन् ।